其實我心情好易受人影響 我做事方式好易受人影響 我既諗法好易受人影響
有時我自己會諗 點解我做野成日都好似好易受人影響咁
講得好聽ｄ 係容易接受人地既意見
講得難聽ｄ 係隨波逐流 人地話點就點
可能係我自己做野求其ｌａ 乜都無所謂
好容易就會講得出求其﹑隨便﹑無所謂呢ｄ字眼
我自己有時都覺得 咁樣係唔係唔係咁好呢 好似做人無乜主見ｗｏｒ
但係我又唔想自己做野好片面好偏激咁
聽下人地意見係唔係好ｄ呢？
到真係要我揀﹑要我下決定既時候 我會好優柔寡斷﹑好三心兩意
呢樣真係唔係一件好事來架
左諗右諗 做出來件事結果都一樣既話 諗咁多都幾無謂
優柔寡斷係我一直以來想改變既壞習慣 我覺得自己有進步架～
不過仍然有好多進步既空間
有時候自己做左一ｄ野 自己都唔明白點解自己會咁做
之後聽到人地既意見 又好似講得好有道理咁
於是就覺得 嗯 我自己都應該係咁諗ｗｏｒ～於是就將人地既意見當成自己既意見
唔知咁樣算唔算係隨波逐流呢
有ｄ野我一直都堅持緊
但係隨著一年年月月日日過去 我真係唔係好記得左自己點解要咁堅持
特別以我呢ｄ做野咁求其既人來講 堅持真係唔係一件容易既事
咁多年來我覺得自己都改變左好多
小學鐘意打排球 而家已經無打
中學鐘意玩中樂 而家已經無玩
雖然我好希望自己可以繼續玩落去
我從小到而家都堅持到而且成功既野唔係好多
一係我想讀大學～好不容易終於成功
二係我鐘意睇書（雖然速度同數量同以前差太遠）
仲有我想做記者同去旅行
點解咁想做記者同去旅行呢
我真係唔係好記得啦～不過我知道呢兩件事我不可不做
大陸有好多好靚既風景 我好想去大陸旅行
男朋友仔同我講 大陸好危險ｗｏｒ～係唔係唔去好ｄ呀
其實我好信命 時也命也運也
係你既就係你既 唔係你既就唔係你既
見到朋友仔係ｂｌｏｇ度講
自己對個世界都冇咩大不了，就算死左都冇咩影響，而對於我個人黎講自己就算活多幾十年命都可能冇咩分別，早ｄ死可能差別都唔大
自己覺得個大自然好偉大，之後諗返人的出現可能之會縮短大自然的壽命，之後就會覺得全人類死晒都冇咩問題﹒﹒﹒
呢ｄ咁既諗法 唔知點解我又幾認同ｗｏｒ～
可能係我幼稚ｌａ～
有ｄ野唔做過真係唔知個死字點寫
或者我著重既 唔係你著重既野ｌａ～
可以堅持一件事對我來講係好難得架
我真係唔想咁易話放棄
沒有留言 :
張貼留言