路痴

有時， 我都知道自己唔係好醒

特別係對某些特性的事情

如:睇地圖

認識我既人都知道　我既方向感好差　

我成日都搵唔到路　搵到成日遲到

當然搵唔到路不過係遲到既原因之一

有時我都知自己其實好離譜

係地鐵站下面睇完地圖之後再行返上地面

唔知點解　我真係唔知點解

係下面既時候以為自己識晒　一上左地面就錯晒

我都唔想咁

總覺得係條街度　我就唔知道可以點行

前後左右都可以行　完全令我唔知點揀

通常我會一於唔理咁多憑直覺行

而通常既結果都係我又錯多次

有一次我著住對高跟鞋由黃竹坑差點行到去深水灣

都係二選一既時候選錯左

而家諗返覺得自己都幾勁　但係當時真係好燥好唔開心

小學五年級我就開始去屋企附近既葵涌廣場行街

永遠都係行過左一間鋪頭就永遠都搵唔返條路返去

到左中學三年級先發現原來係有兩條電梯

呢排聽多左人講閱讀障礙

我雖然無閱讀障礙　但係我覺得我有閱讀地圖障礙

仲有認路障礙　

我曾經以為讀左地理會好點

點知原來完全無關係

我發咁大堆牢騷　都係因為我今日又行錯路

希望呢個病唔好跟足我一生一世